پارٹی فنڈنگ کیس: فرح حبیب کی درخواست پر پیپلز پارٹی جے یو آئی اور ن لیگ کیخلاف پارٹی فنڈنگ کیس کی سماعت

اسلام آباد(محمد بشارت)اسلام آباد ہائی کورٹ چیف جسٹس عامر فاروق کی عدالت نے پاکستان تحریک انصاف کے رہنما فرح حبیب کی درخواست پر پیپلز پارٹی جے یو آئی اور ن لیگ کیخلاف پارٹی فنڈنگ کیس کی سماعت کی

اس موقع پر الیکشن کمیشن کی جانب سے فنڈنگ کیس میں پیش رفت رپورٹ عدالت میں جمع کرائی گئی دوران سماعت عدالت نے استفسار کیا کہ سکروٹنی مکمل ہونے میں کتنا وقت لگے گا جس پر ڈی جی لاء الیکشن کمیشن نے عدالت کو بتایا کہ ہزاروں ٹرانزیکشنز کا معاملہ ہےہم کام کررہے ہیں اس موقع پر پاکستان تحریک انصاف کے وکیل نے عدالت کو بتایا کہ ان کے کیسز بھی پی ٹی آئی کیساتھ شروع ہوئے تھے لیکن مکمل نہیں ہوسکےالیکشن کمیشن کی رپورٹ کی کاپی ہمیں بھی فراہم کی جائے جس پر عدالت نے کہا کہ آپ اس میں ڈائریکشن ہی چاہ رہے ہیں کہ جلد سکروٹنی مکمل کی جائے؟

جس پر پاکستان تحریک انصاف کے وکیل نے عدالت کو بتایا کہ جی پہلے ہی اتنا وقت گزر چکا ہےپی ٹی آئی کیساتھ امتیازی سلوک کیا گیا اس موقع پر ڈی جی لاء الیکشن کمیشن نے عدالت کو بتایا کہ سکروٹنی کمیٹی کو میں ہی ہیڈ کررہا ہوں اکاؤنٹنٹ بھی کمیٹی کا حصہ ہیں عدالت نے ریمارکس دیئے کہ الیکشن کمیشن کو چارٹرڈ اکاؤنٹنٹ اور فرانزک ایکسپرٹ کو بھی ہائیر کرنا چاہئیے

آج بھی کروڑوں کی ٹرانزیکشنز بیگز میں ہوتی ہیں آئی ایم ایف بھی یہی چاہتا ہے کہ ڈاکیومنٹڈ اکانومی ہوبڑے شہروں میں اربوں کی ٹرانزیکشنز پرچی پر ہورہی ہیں عدالت نے کیس کی سماعت دو مارچ تک ملتوی کردی گئی